西班牙盃16強首回合今晚冇直播，不過科爾多瓦主場對愛斯賓奴依然值得留意，事關「愛奴」近兩季喺打吡戰火併巴塞隆拿前踢得特別放，後防例牌狂失波兼開入球大，呢場佢哋繼續由副選門將卡斯拿（圖）孭飛，隨時又演入球騷。（開賽時間：周五凌晨3:00）
打吡戰前踢得較放
對上兩季，「愛奴」對巴塞前踢咗4場得1勝3負，期間喪失10球全開入球大，反映打吡戰前唔會踢悶波，而且「愛奴」喺西盃習慣收起正選門將基斯甸艾華利斯，改派坐慣冷板嘅卡斯拿落場，上一圈次回合試過主場同切爾達激戰成4:2，今場保持清白嘅機會絕對唔高。
事實上，愛斯賓奴近6場得1次冇失波，當中有4次失2球，防線本已唔多掂，就算前鋒彭迪安尼未好番，照計都夠條件開入球騷娛樂球迷。對家方面，科爾多瓦前鋒查奧爾奧利華拉同中場波查加西亞質素唔曳，今季分別有5個同6個聯賽入球，唔理佢哋贏唔贏到，至少唔似冇波入，買2.19倍大有着數。
周四孖膽推介
關次 對賽隊伍 賽事 半場/全場
一 科爾多瓦 Vs 愛斯賓奴 西盃 0:0、1:0、0:1/1:0、1:1、2:1
二 華倫西亞 Vs 西維爾 西盃 0:0、1:0、0:1/1:2、2:1、2:2
