今日「二線波」當道,共有九場荷乙可供選擇,阿King睇中FC燕豪芬細盤。係人都知荷乙係大盤客樂園,今次「逆天而行」,當然並非無的放矢。FC燕豪芬屬聯賽中最具戰術性球隊,絕非有前冇後打死罷就,係荷乙「細盤王」,今次主場出戰勁旅丹保殊,高手過招易開細。(周六凌晨3時開賽)
於荷乙吼細盤,當然係貪佢有分頭,揀FC燕豪芬就最好。呢班波踢法有別於其他荷乙球隊,佢哋較着重防守,目前係聯賽中失球最少隊伍,本季聯賽平均每場只失0.8球。而近期FC燕豪芬兩次主場出擊,鬥禾寧丹同奧斯都係贏二比○,反映球隊防守力絕不失禮。
泰斯達作客醒神
對手丹保殊近三作客不敗,其中兩場開細盤,今次雙方實力接近,相信會踢得較保守,捧細盤。
另一場奧斯主場對泰斯達,雙方狀態都係一般,今場真係水鬥水,相信難分高下。泰斯達最近作客演出仲好過主場,近三作客兩場不敗,今戰捧「讓球客勝」。而鹿特丹斯巴達主場鬥馬斯特里赫特,客軍一離開主場就變軟腳蟹,近五次作客出擊四次輸波,今次作客鹿特丹斯巴達冇運行,捧主勝