今晚德甲獨腳戲戲碼強勁，由哈化柏林主場硬撼史浩克04。哈化今季升班後表現令人驚喜，有傳教練巴布已獲多間大球會注意，呢場肯定加多兩錢肉緊，對住近排作客2戰不勝嘅史浩克，受讓平半下盤值博！（有線61及201周六凌晨3:30直播）
記得上年去柏林旅行，導遊曾經同朱楓講，話慶幸哈化當時喺德乙，如果唔係比賽日市中心肯定塞滿球迷，可以想像當地球迷對球隊有幾支持。今季哈化升班後，喺每場平均有53,341觀眾入場支持下，表現真係唔講得笑，打咗15場只係輸過4場咁大把，難怪有傳教練巴布唔肯續約，下年可能轉教拜仁、史浩克甚至英格蘭球會，搞到哈化體育經理比列斯近日都向巴布施壓，話希望今年尾解決呢個問題，巴布為「錢」途，相信今場一定會做齣好戲。
史浩克作客2戰不勝
雖然今季要兼顧歐霸盃，但史浩克04喺德甲表現都唔曳，假如今場贏波，仲可以升上第2，但難度極大，事關史浩克已連續兩場作客贏唔到，幾經辛苦先逼和漢諾威，喺打吡戰仲不敵多蒙特，今晚作客今季主場不敗率高達71%嘅哈化，真係隨時輸埋都唔奇。
橫數千軍
哈化主場不敗率達7成
‧聯賽主場不敗率達71%。
‧近8戰2勝4和2負，6次開大。
史浩克旺開入球雙
‧近8戰5勝2和1負，7次開雙。
‧近6次交手5勝1和
