英格蘭足總盃第一圈賽事,拿仁睇中修安聯,作客普雷斯頓受讓好路。普軍本季降落甲組一樣踢唔掂,近九戰不勝狂失廿四球,後防不堪一擊;主力前鋒侯姆、占美樸達同美羅又齊齊受傷缺陣,讓唔起英乙一哥修安聯,捧「讓球客勝」同大盤(周六晚11時開賽)
普雷斯頓都夠折墮,上季畀費格遜個仔戴倫大傷元氣,到季中搵來前黑池領隊菲爾布朗執教,以為會有轉機,但最終都降班收場。
普雷斯頓殘陣態沉
球隊本季有個好開始,聯賽曾七連勝,但之後好似食咗瀉藥一樣,近九戰不勝後防仲穿晒窿,菲爾布朗都冇晒計。普軍陣營多傷兵,三大主力鋒將都出唔到,就算菲帥出夫添迎戰,亦冇贏波把握。
修安聯狀態正盛,現穩坐乙組一哥位置,近六仗作客全勝,越級挑戰未驚過,受讓可取;以其攻力面對主隊豆腐防線亦有計,大盤可兼顧。
另一戰乙組巴拉福特主場鬥甲組羅奇代爾,巴軍雖低一級,但踢盃賽好有鬥心,剛於英錦賽作客英甲勁旅錫菲聯都唔使輸,今次對手冇咁強,主場受讓好抵買。而「甲組內訌」埃克塞特主場鬥華素爾,埃克塞特係神經刀,周時同對手大手交易,近五戰有兩次狂失四粒,當中有四場開大盤。而華素爾後防亦唔係醒,再翻查對賽往績,近七對賽僅一場開細,捧大盤!
英足盃推介
修安聯讓球客勝、大
巴拉福特讓球主勝
埃克塞特大