今季德乙競爭相當激烈,目前起碼有五隊有力爭升班資格,前列強隊未來每場比賽一分都不能少,今晚格雷特霍夫為保榜首位置,主場絕對唔會放過布倫瑞克,主W1.5倍熱爆燈,明顯備受莊家睇好,最好用來過關。(周二凌晨3時15分開賽)
格雷特霍夫今季相當勇猛,自首輪聯賽輸畀法蘭克福之後,近十三場正式賽事保持不敗,當中勝出十一場,聯賽主場更五連勝,數據靚爆。事實上,格軍近年都係德乙爭升班分子,以今季形勢最好,相信球隊會好好把握,爭取贏到盡,下季踢德甲。
布倫瑞克愈踢愈沉
至於布倫瑞克雖然位處中游,但表現每況愈下,已連續四場未贏過,近兩場更捧蛋收場,睇來球隊已陷入調整期,一日未出現明顯反彈,都可以繼續捧佢哋對家。
除咗德乙之外,仲有荷乙同法乙,荷乙丹保殊主場對安曼,丹保殊今季聯賽主場仲未開齋,令球迷非常不滿,今仗正好趁遇到魚腩安曼,爭取大勝平息民憤。法乙南特主場對朗斯,客軍防守力弱,近三仗共失八球,南特小讓平半,要上盤。更多赛事信息