作客巴塞唔使輸,轉頭返主場就失分畀桑坦德,相信唔少捧場客都畀西維爾搞到一身潺,不過亨格比利睇好佢哋今晚會將功補過,主場出擊大勝榜尾嘅CF格蘭納達,呢場波小弟要2倍「讓主」!(now632及660台周二凌晨4:00直播)
格蘭納達作客全敗
開咧9戰不敗嘅西維爾,上仗只能以2:2逼和桑坦德,係就係失分,但向來唔係多產嘅迪摩奴就梅開二度,幫西維爾搶番1分。呢位27歲射手雄心壯志,前日向《馬卡報》表示今季起碼要入15球,今晚又有刑滿復出嘅前線拍檔簡路迪陪住衝鋒,話唔埋又係迪摩奴嘅Show Time。
暫列榜尾嘅格蘭納達,今季作客輸晒兼且1球都入唔到,雪上加霜嘅係法蘭列高、卡路士馬田斯同耶巴達打柴,謝美羅美路同丹尼賓尼迪斯又要坐波監,5位中場主力齊齊唔出得,造訪西維爾唔慌有運行啦!更多赛事信息