今晚死亡A組另一場大戰,如日方中嘅拜仁慕尼黑喺聯賽留足晒力,作客有中場大將保查華利路停賽嘅維拉利爾,絕對有力反客為主,讓球盤拜仁讓平半要上盤!(有線63及203周四凌晨2:45直播)
連同歐聯附加賽在內,拜仁近6戰全勝兼0失球,其中射手馬里奧高美斯嘅狀態更達到巔峰,近4場入9球,而且每場仲愈入愈多,入球能力相當驚人。拜仁上周六喺德甲大數弗賴堡7蛋,更提早收起高美斯同列貝利,留力喺今晚搏殺。即使有洛賓同比連奴繼續倦勤,拜仁攻守能力仍高主隊一班。
維拉利爾西甲未開齋
另邊廂嘅「黃色潛艇」踢咗兩場聯賽仲未開齋,上場更慘被西維爾臨完場前逼和,士氣大大受挫。同時,喺歐聯附加賽領紅嘅中場保查華利路今場需要停賽,大大減低維拉利爾嘅中場實力,主場受讓都捧唔過。
歐聯A組