今個周日雖然冇咗5場西甲,但係實質球賽數量都多過上星期10幾場,不過賠率變動就出奇咁少,或者係因為季初階段,大家都想睇定啲先再出手。
飛燕諾兩連勝出奇偏冷
睇晒今日咁多場波,查實就只係得三場主客和係有變動,升溫球隊包括(日)21芬洛、42男生隊同埋50艾華爾,但查實都只係足智彩開盤嗰陣重手咗,依家只係跟番歐洲平均賠率,縱使荷甲回親飛都冇好嘢,但都冇理由大膽到唔要阿積士走去撐芬洛。
賠率冇乜異動,惟有繼續比較吓歐平同埋足智彩賠率,睇吓有冇玄機,較難解釋嘅首推(日)12荷華高斯 Vs 飛燕諾,話晒客軍今季荷甲兩戰全勝,夾埋派咗5隻光蛋,仲話晒係名牌球隊,點都會熱多少,但足智彩賠率卻啱啱相反,荷華高斯馬會個主W得1.85倍,遠遠熱過歐平嘅2.1倍,睇嚟足智彩都睇好佢哋可以喺主場兩連勝。