又到星期日，又係同大家傾波經同食經嘅時候。同好多香港人一樣，除咗日本嘢同泰國嘢，近年都鍾意食韓國嘢，好多朋友都會食韓國燒烤，仲要係百零蚊任食嗰隻，但其實啲食物同郊外燒嘢食差唔多，渡邊年唔係咁鍾意。
韓食「賣飛佛」
小店係渡邊年嘅「飛佛」，如果講韓國嘢食，有一間喺紅磡寶其利街，呢間近期喺啲網上評論好Hit，因為夠道地，由移居香港嘅韓國夫婦所開，走小店路線，主力做外賣，最好食係韓式炒年糕。
至於今日就提供挪超史卓加斯特，因為佢哋嘅對手阿里辛特嚟緊要踢歐霸盃次回合，過到關就入分組賽，今季收入就有保證，呢場必放軟手腳益晒史卓加斯特啦。（周一凌晨零時開賽）
