「和勝勝、和勝勝！」希爾星堡今季喺瑞超大勇，全靠主場一個連勝定律，睇佢哋之前兩輪主場開「和、勝」，阿成睇好星堡今晚可以喺地頭輕取榜尾咸史達斯，開出1.6倍「讓球主勝」！（開賽時間：周日晚10:30）
咸史達斯篤定降班
希爾星堡前幾季有射手軒歷拿臣掛帥都攞唔到冠軍，反而近季冇咗呢位瑞典神級射手卻愈打愈好，今季更加贏到開巷，預計今晚喺主場對住咸史達斯，可以輕取對手，畢竟咸史達斯今季頹到爆，踢咗21戰先贏過2場攞到10分，目前同尾2嘅西里安斯卡都仲要相差8分，今季降班幾成定局。
更令阿成放心嘅係，原來星堡今季主場未嘗一敗，而且仲有個「和勝勝」定律，睇佢哋前仗打和馬模1:1，上場贏哥登堡2:1嚟睇，相信今晚好大機會繼續贏波，「讓球主勝」絕對係穩膽！
希堡主場旺開「和勝勝」
