「地上最強」巴塞隆拿後防傷兵多，好在防線重心佩奧爾傷愈，另一中堅米列圖亦可候命，情況稍有改善。不過，左閘艾迪安奴、艾比度同麥士維傷晒，佩奧爾或會串演左閘，中堅組合由碧基做膽，配搭馬斯真蘭奴或米列圖，防線經過大執位，難免令人信心稍減。足球彩票 足彩预测
艦隊４將「孭簿」
皇馬中後場亦要變陣，中堅卡維奴要坐波監，位置由艾比奧爾頂上，相信影響唔會太大。與此同時，防中基迪拉受傷休戰，但主帥莫連奴唔會改變三防中陣式，預計會搵狄亞拉取代基迪拉，拍住比比同沙比阿朗素組成防線前第一道屏障，希望阻止對手進襲。另外，「銀河艦隊」皇馬球員艾比奧爾、Ｃ朗、迪馬利亞及沙治奧拉莫斯同樣有黃牌在身，若再領黃次回合就冇份踢。
巴塞中場球星恩尼斯達賽前表示希望於溫布萊球場踢決賽：「喺溫布萊踢決賽係我嘅夢想，我哋會專心應付首回合賽事，希望可以入番幾球。」
