南美自由盃十六強首回合,其中一場由卡達斯主場對高士路。來自哥倫比亞嘅卡達斯係○四年南美自由盃冠軍,但近年演出不斷下滑,今次有主場之利都未必威脅到對手。巴甲球隊高士路於分組賽盡顯強隊本色,質素超群值得追捧,客W係今場選擇。(周四早上8時50分開賽)
高士路喺分組賽唔單止取得五勝一和不敗佳績,得球數字更高達二十個。唔好忘記同組仲有來自阿根廷嘅學生隊,可想而知高士路實力有幾強。值得一提係巴西射手禾尼臣已取得六個入球,現於神射手榜排行第二位,屬球隊主要「士哥拿」。基於歐洲轉會窗就嚟大開,禾尼臣都好希望出國搵快錢,深信呢個廿二歲前鋒會把握出場機會幫自己宣傳,今場睇佢「騷哥利」。足球彩票 足彩预测
卡達斯於○四年贏得南美自由盃冠軍,奈何球隊近幾年表現退步,喺分組六場比賽僅取一勝,成績與高士路差一大截,今仗就算有主場之利都唔太樂觀。
山度士o趙埋阿美利加
另一支巴甲球隊山度士主場對CF阿美利加,「讓球主勝」有望開出。連同南美自由盃及州聯,山度士已累積四連勝,今場有埋主場之利惡氣十足,有力大勝墨西哥球隊CF阿美利加。(有線61台周四早上8時50分直播)