今晚英超獨腳戲，主場戰績彪炳嘅富咸為求盡早成功留級，今晚勢必藉主場之利，力挫戰意成疑嘅保頓全取3分，一於捧1.77倍主勝。（有線203及301周四凌晨3:00直播）
近2場聯賽只係攞到1分嘅富咸，依家領先降班區域球隊5分但少踢1場，今場如果贏波嘅話就好大機會成功留班，呢班波一向都係靠主場搵食，近9場主場比賽就贏咗7場，合共更攻入22球，經過兩場客戰失利後，今晚回師主場誓必搏盡求重響勝鼓。佢哋今仗只有長期傷兵杜夫、卡馬拉同辛德路斯缺陣，基本上對整體實力影響不大。
保頓周日絕殺阿仙奴後士氣大振，不過佢哋依家喺聯賽位處中游，爭取來屆歐洲賽資格幾近絕望，同時又毫無護級壓力，今場隨時會畀部分主力休息，等一啲年輕球員有多啲上陣機會。足球彩票 足彩预测
富咸主場近9戰7勝
再者保頓今季作客成績認真曳，輸波率達到5成6，今次作客「地頭龍」富咸自然被睇低一線。再加上佢哋今場有兩名中場大將賀頓同桑戴維斯養傷，連同後衞森歷格斯都唔踢得，戰力受損作客靠唔住。
