莫連奴、哥迪奧拿有幾勁，唔使再多介紹，不如睇睇二人於歐聯四強數據仲實際。莫帥曾帶領波圖、國米奪大耳朵盃，但督師八場歐聯四強，當中勝率其實唔算高，只係贏出其中三場，比率為37.5%，但贏得最清脆一仗，就係去屆助國米主場三比一擊敗巴塞隆拿。八仗之中有七場開細盤，貫徹莫帥踢盃賽主守特色。足球彩票 足彩预测
哥帥四強勝率低
哥迪奧拿○八年開始執教巴塞，球隊已連續三屆打入歐聯四強，之前四場準決賽，球隊亦只得一勝，就係去屆一比○擊敗國米攞番個尾彩，而其餘三場僅得兩和一負。巴塞以攻力見長，但去到大戰關鍵階段，亦難免打得小心翼翼，總結四仗有三場開細，其中失球更比得球多一粒，真係估佢唔到。
