褪色勁旅禾夫斯堡喺德甲絕地求生，請埋昔日冠軍教頭馬加夫回巢救亡，雖然新帥到依家仲未開齋，不過近期狼堡已經有番種打不死精神，今晚主場迎戰冇牙老虎科隆係時候收成，2.55倍「讓球主勝」值得捧場。（有線61及64周日晚9:30直播）
睇住禾夫斯堡深陷降班漩渦，大家可能唔記得佢哋前季係德甲冠軍，不過自從請番馬加夫執教，球隊表現的確有好轉，話就話佢接手後領軍4場只得3和1負，但係對法蘭克福同聖保利兩仗，都係喺完場前憑打不死戰意追和，對士氣有一定幫助。足球彩票 足彩预测
科隆普多斯基停賽
據聞禾夫斯堡贊助商嘅高層亦曾表示，如果球員再唔打醒精神踢好波，佢哋就大有機會終止贊助，唔想冇咗條大水喉，相信球隊上下都會識驚，今晚全力爭取呢寶貴3分！
至於科隆近期就好唔妥，近4場聯賽竟然失咗14球之多！雖然斯洛文尼亞前鋒路華高域連續3場有波入，不過啱啱結婚嘅王牌普多斯基就要停賽，前面冇咗呢位德國王子，後防又甩甩漏漏，今場肯定畀禾夫斯堡打爆啦！
