法甲殺到入大直路,力爭做本土雙冠王嘅里爾,今晚將會造訪羅連安特。「一哥」里爾牌面係高啲,弊在條防線就畀唔到人信心,撞正冇晒包袱嘅羅連安特,隨時係一場大手交易,入球大有成2.15倍咁好分,當然博得過啦!(開賽時間:周一凌晨3:00)
里爾目前揸住59分雄踞法甲榜首,加上剛啱喺法國足總盃躋身決賽,極有希望成就本土雙冠王霸業。里爾今季咁醒,射手蘇維好大功勞,呢位法國前鋒迄今已經有21個聯賽「士哥」,有佢搭住另一位速度腳法兼備嘅謝雲奴攻堅,邊使慌冇波入吖?足球彩票 足彩预测
羅連安特踢快樂足球
不過有一點值得留意,就係里爾近8場聯賽場場有失波,鐵血中場巴蒙特仲打埋柴添,防守力真係唔太信得過。對家羅連安特冇嘢好爭,只要今季以第7名衝線,即可創造球隊史上最佳成績,實際壓力唔算太大,佢哋自上年9月至今更保持連續12仗不敗添,今晚主場就算對住「一哥」,照計都係繼續大踢快樂足球,唔似會保守。