兩軍教練莫連奴同哥迪奧拿都係長勝將軍，皇馬教練莫連奴曾十七次率領球隊打入決賽，結果十一次捧盃，成功率高達六成五，但巴塞教練哥迪奧拿仲厲害，六次殺入決賽全部捧盃，就睇吓今次莫連奴可唔可以打破哥迪奧拿嘅100％捧盃紀錄。
莫帥大戰決賽少失威
莫連奴先後率領波圖、車路士、國際米蘭及皇馬殺入盃賽決賽，過去十七場決賽，佢喺法定時間取得十一勝二和四負成績，不過輸親嘅大部分都係無關痛癢嘅賽事，例如執教車路士時則兩次於社區盾落敗，唯一真正失手係○四年葡萄牙盃。足球彩票 足彩预测
不過哥迪奧拿嘅戰績更厲害，六次帶領巴塞打決賽全部贏晒，當中包括前年歐聯決賽、西班牙盃、歐洲超級盃、世冠盃及近兩屆西班牙超級盃。兩大強人對決，真係唔知鹿死誰手。
