赛前分析：賓菲加搶盃踢好波

葡萄牙盃賓菲加主場對波圖，今季波圖可謂「食住」賓菲加，無論係葡超盃及聯賽兩個循環，波圖都贏到賓菲加，最慘連聯賽冠軍都畀波圖擸埋，賓菲加認真冇晒佢符。今場葡萄牙盃四強次回合，作客嘅波圖贏波賠率竟然高過賓菲加，但查實波圖今場爭勝鬥志出現疑點，賓菲加隨時會喺主場發威，主W值得捧場。（周四凌晨3時30分開賽）

其實波圖今季目標係聯賽不敗及歐霸盃冠軍，對於當地兩項盃賽都唔太着緊，就好似葡聯盃，波圖早於分組賽階段已被淘汰，今次放棄埋葡盃絕唔出奇。留意到葡盃四強首回合，波圖喺主場都以○比二輸畀賓菲加，今次主客互調就更加唔睇好。相反賓菲加失落聯賽冠軍，今季一定要捧番隻盃向球迷交代，爭勝鬥志一定好過對手，切勿因波圖好分就盲目捧場。

沙巴罕熱唔透要小心足球彩票  足彩预测  

另外，要留意亞冠盃Ａ組艾加拉法主場對沙巴罕，客隊被操盤手睇淡。沙巴罕喺分組三戰三勝狀態大勇，但面對分組賽三場不勝兼冇入球嘅艾加拉法都熱唔透，從飛數顯示沙巴罕唔多穩陣，投注前一定要小心。