阿積士雖然季中賣走蘇亞雷斯,實力有所減弱,但自從歐霸盃十六強出局後就冇咗個負累,於荷甲聯賽愈打愈好,近兩仗全勝兼冇失波,僅落後榜首川迪三分,睇得出班球員好有鬥心,今晚作客奈梅亨,客W冇肉食,建議捧半全場「和客」,因為阿積士已連續兩場開出「和勝」,值得再追!
伐木者開齋平手再追
美職新兵波特蘭伐木者開季戰績唔多掂,但上周中終於取得球會史上首場美職勝仗,目前士氣處於巔峰,周一早上六時主場迎戰FC達拉斯,開平手盤冇理由唔捧場,因為FC達拉斯向來係地頭蟲,主場一向威水,但今季作客仲未贏過,主隊平手盤實在抵玩