意甲季尾又出現大量蠱惑盤,香港足智彩選擇性開盤,當然有其原因,不過,今日有一場卡坦尼亞對拉素照開,外地好多莊家都低開呢場和波,由2.2倍至2.4倍之間,足智彩就開2.5倍,理論上平時呢類意甲唔會開,相信操盤手係因為覺得拉素仲要搶分保住歐洲賽席位,有一定戰意,姑且照開售,但實際係點,真係踢完至知囉!
意甲季尾唔好賭
意甲向來默契波多多,幾大集團「照顧」住個聯賽,呢啲唔係操控都唔知叫乜囉。如果大家仍然為一個幾個集團一早寫晒劇本演繹嘅聯賽緊張同喝采,其實同坐喺電視前追電視劇嘅觀眾情況好一樣,如果仲攞錢去賭,就更加唔值得,即係同走去買羅樂林死幾多次一樣。
意甲唔好賭,玩吓挪超啦,奧特格寧蘭主場對阿里辛特,主W要跟。阿里辛特今季星散,實力大不如前,而過去作客奧特格寧蘭輸晒,今場冇翻身餘地。(周一凌晨零時開賽)