葡超大戰波圖主場對士砵亭,雖然波圖已經奪得聯賽冠軍,但今場面對同屬「Big3」嘅士砵亭仍然偏熱,似乎操盤手對波圖相當有信心,相信呢支冠軍球隊唔會揸流攤,今晚會繼續爭取好成績,主W開出機會極高。(周一凌晨3時15分開賽)
波圖已穩奪聯賽冠軍,未來日子仲要出爭葡萄牙盃及歐霸盃,所以好多人諗住佢哋唔會對聯賽太着緊。不過從賠率所見,今場波圖無意放軟手腳,其中一個原因係球隊好希望喺聯賽主場取得全勝,以完美姿態完成今個球季,既然波圖喺聯賽仲有任務,今場賠率偏熱都好合理。對手士砵亭話就話係「Big3」球隊,但今季演出可謂大退步,與波圖積分差距超過三十分,證明呢支里斯本球隊已經失勢,而且近期作客成績又差,今場有好分頭都唔值得捧場。
河床高水有暗湧
另一場要小心係阿甲秋甘拿斯亞主場對河床,最近河床可謂弗到爆,近三場聯賽全勝只失一球,但今場只小讓下游球隊甘拿斯亞平半兼有高水,擺到明係投注陷阱。若果真係河床有十足把握的話,操盤手點會開個高水上盤畀大家。今場河床有暗湧,投資者切勿盲目追捧。 (周一早上6時10分開賽)