食完兩道菜，最好飲番杯「普利」消滯！華素爾領隊甸恩史密夫近排終於「坐正」，大大振奮軍心，今晚作客問題多多嘅普利，1.52倍「讓球客勝」必捧！
因財困早前被扣10分嘅普利茅夫，近排已開始放軟手腳，對上4場只得1和3負。門將拉雷近日更大爆球員協會已介入球會嘅欠薪問題，為咗籌錢，普利仲啱啱宣布將後防新星積克史堤芬斯賣畀修咸頓，問題多到咁，點捧得落手？
至於上半季仲排榜尾嘅華素爾，自從1月改由甸恩史密夫執教後脫胎換骨，暫時距離護級安全線2分，甸恩史密夫亦順利轉做全職，獲球會簽約2年，當然要搶分慶祝吓啦！
SAT 六（38）‧普利茅夫 Vs 華素爾
