要打低勁旅？最緊要有打甩門牙帶血吞嘅決心！力爭護級嘅韋根近排就正正打出呢種風格，今晚韋根續由後防大將卡達維領軍，對住靠「廢托」孭飛嘅車路士，有權爆冷開4.4倍「讓球客勝」。
卡達維打甩門牙照搏殺
車路士自從買入費蘭度托利斯後，鋒力不升反跌，周中歐聯8強首回合更加喺主場不敵曼聯。「廢托」遲遲未融入隊波，到依家仲食緊白果，車仔靠佢食胡，鋒力相當靠唔住。加上「藍戰士」喺英超爭標嘅機會好微，相信佢哋已將目標放喺下周中歐聯次回合「絕地反擊」，今晚佢哋嘅戰意都幾令人懷疑。
相反，韋根遇強愈強，上仗憑卡達維一夫當關，主場逼和熱刺0:0，賽後卡達維被發現原來甩咗3隻門牙，可見佢嘅鬥志真係好得人驚。好彩嘅係，卡達維做完手術後今晚可以復出，防線咁穩，偷雞喺車仔身上搶到分有乜出奇？
SAT 六（12）‧車路士 Vs 韋根
