臨近季尾意甲有幾場和波賠率都被嚴重壓低,部分博彩公司更乾脆唔開盤。但據Richard所知,並唔係所有和波賠率偏低賽事都開出「預期」賽果。就好似上輪意甲熱拿亞對卡利亞里嘅比賽,雖然和局賠率不足兩倍,但最終卡利亞里憑艾基費斯卡嘅入球以一比○擊敗熱拿亞,而某大外國博彩公司淨殺和局投注額已有三十一萬七千鎊(約四百萬港元)。所以話世事無絕對,未到完場一刻都未知賽果。
今晚推介意甲,由烏甸尼斯主場對羅馬。雖然烏甸尼斯不敗佳績被打破,不過唔好咁快就睇小呢支北部球隊。事關當時烏甸尼斯受到國際賽後遺症所影響,陣中大部分球員都出現疲態,踢唔出預計水準可以理解。而經過一星期調整後烏甸尼斯應可重拾狀態,主場有望擊敗羅馬。(周日凌晨2時45分開賽)
羅馬態沉擋唔住
其實羅馬近期演出都幾差,前一場聯賽與費倫天拿打和二比二,上周喺主場又以○比二不敵祖雲達斯。連續兩場失分之後,有唔少球迷都質疑教練蒙迪拿管治能力,唔夠資格執教意甲球隊。另外中堅麥薩斯重創,暫時估計要休息到十月先至復出,對於球隊防守力必有影響。烏甸尼斯一對正選前鋒迪拿達利及阿歷斯山齊士都大勇,羅馬守衞擋唔住。