上周中歐洲賽最令人意外賽果肯定係歐聯史浩克04大勝國際米蘭五比二,翻查紀錄,史浩克04今季踢完歐聯後於緊接嘅聯賽,往往可以製造大比數交易,八次有六次開大。史浩克04今晚主場迎戰禾夫斯堡,可望延續入球騷。(周六晚9時30分開賽)
史浩克04今季踢完歐聯後於緊接嘅聯賽成績為三勝一和四負,表面上冇乜路可捉,但其實當中有六場開大,比率達到百分之七十五,比球隊今季整體聯賽開大比率,高百分之二十五。八場中有四場總入球為「3」球。此外,史軍近六次聯賽對禾夫斯堡全部開大,當中禾堡取得四勝二和,包括三次贏二比一。