赛前分析：布拉加抢缰拉唔住

葡超比拉马主场对布拉加，预计近况大勇嘅布拉加取胜机会较高。今季布拉加喺联赛表现稍稍回落，相信系同球队要应付欧洲赛有关，但去到季尾似乎有所改善，近七场比赛取得不败佳绩，球队突然积极抢分，当然系为保住来季欧洲赛资格。对手比拉马踏入季尾无心恋战，似乎球员已满意现今位置，斗心成疑下喺主场出击都信唔过，今场可捧布拉加客W。（周日凌晨3时15分开赛）

唔怕留力欧霸杯

布拉加虽然下周中要出战欧霸杯，但唔担心会影响到联赛演出，就好似欧霸杯十六强首回合对利物浦前，布拉加就喺联赛砌低强敌宾菲加，相信布拉加今场对住比拉马都唔会留力。