今晚喺《是日正菜》推介“大”杂烩,阿仙奴喺英超主场对布力般流浪,一于捧入球大!两队出名系联合国军团,今场兵工厂有欧洲进攻组合尹佩斯、法比加斯同禾确特伤愈,对住布力般嘅非洲加南美箭头马美迪奥夫同辛达告鲁斯,1.45倍大抵玩。(有线201、301及广东体育周日凌晨0:30直播)
阿仙奴近6场得1胜2和3负,联赛杯、欧联同足总杯冠军梦全部破碎,依家得番联赛有得争,又落后打多1场嘅曼联5分,领队云格好明白,呢场波唔赢等于玩完,赛前佢证实,国际赛受伤嘅射手尹佩斯,将会喺联同伤愈嘅队长法比加斯同翼锋禾确特复出,荷兰+西班牙+英格兰进攻威力绝对唔讲得笑。
屈咗咁耐,正常嚟讲呢场兵工厂点都唔会冇波入,咁佢哋个后防又点呢?中坚华美伦今季长抖,原本已经令到阿仙奴好头痕,点知门将施捷斯尼同法比安斯基最近伤埋,搞到佢哋逼住要用冇晒信心嘅艾蒙尼亚守龙,计埋欧联对巴塞隆拿后备入替失3球,呢位大哥担正3场劲失7球,对手见都佢开心到合唔埋口。
布力般近7战得1场不失
至于连杯赛在内近7场得2和5负嘅布力般流浪,期间得1场冇失波,旨意佢哋作客酋长球场保持清白,简直难过食清一色。不过咁,布力般前锋马美迪奥夫系来自曼联嘅借将,为咗帮红魔消除争标障碍,相信佢会尽一切办法抢分,加上辛达告鲁斯唔使踢国际赛叉足电,非洲+南美锋线应该帮到手开入球大!
是日推介
阿仙奴
(入球大)1.45倍
迪加史卓普
(主胜)1.78倍
修咸顿
(主胜)1.52倍