今日有9場波,巴西盃已經佔咗4場,筆者雖則冇乜心水,但就發掘到一個好值得表揚嘅賽制。原來巴西盃頭兩圈主客兩回合制賽事,率先作客嘅種子隊首回合贏夠兩球或以上,就唔使再踢次回合直接晉級,鼓勵強隊速戰速決,所以大家見到作客嗰隊熱門啱心水,不妨直取「讓球客勝」。
馬瑟韋爾足總盃未威過
反觀英倫三島盃賽賽制就依然守舊,蘇格蘭足總盃和波係要重賽,4場8強戰更有3場要replay,今晚踢壓軸嘅馬瑟韋爾主場對登地聯,筆者就稍稍睇好客隊,畢竟佢哋係上屆賽事盟主,近6戰亦取得5勝1和,狀態夠晒穩定。反觀馬瑟韋爾踢足總盃冇乜成就,對上7屆頂盡都只係8強止步,喺蘇格蘭球隊唔多嚟講都算係渣。
今場雙方賠率接近,係一場平手波,不過足智彩又冇開讓球盤,1.47倍「讓球客勝」又太乏味,倒不如轉攻近期成日有得玩嘅「晉級隊伍」項目,博1.92倍登地聯晉級。(開賽時間:周四凌晨2:45)
蘇總賽制
今輪為8強重賽,若在90分鐘內打成平手,則需加時30分鐘,若加時仍未分出勝負,則互射12碼決勝。