由於領隊皮雅斯讓多名主力如韋碧克等提早離隊,英格蘭U21在周二凌晨遭逢滑鐵盧,主場以一比二爆冷不敵冰島U21,開出13倍冷門客勝!皮雅斯賽後即借勢呼籲一眾英超領隊,今夏允許球員參戰U21歐國盃,拯救「小三獅兵團」。
為了討好多位英超領隊,加上避免出現米卡李察士為國受傷等事件,皮雅斯賽前讓多名主力如韋碧克及基斯史摩寧等五將提前離隊,實力難免大為削弱。雖然英軍十三分鐘已由迪爾科尼素打破悶局,但完半場前被冰島追平,客隊下半場再入一粒反勝二比一,1.13倍主W就此泡湯!
皮雅斯籲球會領隊支持
皮雅斯賽後語重心長表示,假若英超領隊唔放主力參與國家隊賽事嘅話,情況就會落得如斯下場。
皮雅斯仲話U21歐國盃係一項大賽事,小將經過呢項比賽之後,經驗及技術肯定有所增長,根本百利而無一害,若然佢係球會領隊,一定會鼓勵球員出戰。