「地上最強」都會跌Watt!巴塞隆拿今季作客表現遠遠不及上季,往往都只係小勝1球甚至和局收場,佢哋今晚喺西班牙盃16強次回合挾住4球優勢造訪奧沙辛拿,小妹預計巴塞只會求穩陣出線,唔會大手交易,2.35倍「入球細」抵捧!(now632台周五清晨5:00直播)
巴塞坐擁半隊2011年FIFA「夢之隊」,但仍被西甲榜首皇馬拋離5分之多,全因作客表現大不如前。巴塞上季作客有14勝4和1負冠絕群雄,但今季僅僅踢咗8場就已經出現3勝4和1負,下滑情況相當明顯,加上上仗再度賽和愛斯賓奴失分,令隊長佩奧爾亦不得不承認:「雖然我哋以同一心態應戰,但今年作客失分情況嚴重,必須做好啲。」
收起沙維 山齊士留力西甲
好彩「地上最強」喺西盃首回合已取得4球領先優勢,相信佢哋會以堤亞高艾簡達拿及艾錫古恩卡等代替沙維、阿歷斯山齊士等主將,以留力喺三日後對貝迪斯嘅聯賽收復失地,故今仗難望上演入球騷,小妹預計佢哋只求不敗晉級已經心足!
奧沙辛拿今季表現平穩,特別喺主場開鑼至今未輸過,即使面對西維爾亦能力保不失,真係有番咁上下硬淨㗎!不過佢哋今仗喺落後4球劣勢下迎戰巴塞,出局幾成定局,加上短短48小時後又要再戰西甲,又點會有心同你搏命?就算守將貝特蘭表示會盡力踢好波,相信只係客套說話,兩軍累鬥累之下,都幾難多波入喇!
首回合:奧客負0:4
西盃賽制:
今輪為16強次回合,賽事採2回合主客制,有作客入球優惠。若總比數打和將加時30分鐘,加時互交白卷需互射12碼,若有比數打和,則客隊晉級。
周四孖膽推介
關次 對賽隊伍 賽事 半場/全場
一 拿玻里 Vs 切塞納 意盃 2:0、3:0、3:1/4:0、4:1、5:1
二 奧沙辛拿 Vs 巴塞隆拿 西盃 0:0、0:1、1:0/0:1、1:1、0:2