今个周中比较淡静，但一样有好嘢推介畀大家，今次睇中场英锦第三圈赛事，车士打菲特主场对灿美尔，主队防线曳到极，失波数字高企，对上七战六场开“大”，相信短期内难有改善，今场可捧大盘。
车士打菲特目前于英甲位列下游，主要因为失波多，佢哋近期后防中门大开，对上六战劲失十四球，其中三场失三球，无论主场定作客都系守唔住，反映呢班波真系好曳。大军上圈于杯赛战胜诺士郡，已算近期佳作，今次对住灿美尔决心再于杯赛扬威，斗志唔使怀疑，独忌佢哋入埋唔够输，都系玩大盘好过。
两场葡联杯都吼细
同日仲有葡联杯第二圈赛事上演，葡超大军费伦斯主场对葡甲球队朴迪莫伦斯，两队于联赛位列下游，近况同样一般，费伦斯曾于主场守和波图，战斗力唔弱，但大军衰在锋力弱，近五战加埋只入一球，火力弱到不得了，未必让得起对手。朴迪莫伦斯自知实力唔及对手，必定会专心做好防务，呢场玩细盘最好。
另一场葡联杯赛事由葡超球队塞图巴尔主场对葡甲球队拿华，塞图巴尔实力较强，而且有主场之利，牌面睇落赢得，但大军又系衰攻力弱，近五战四场冇入波，今场都系玩细盘好过
