紐卡素後衞大衞辛頓今夏由國際米蘭加盟，雖然因受傷關係，只曾以後備身份上陣十三分鐘，但佢仍然話離開國米係正確決定。
大衞辛頓近日已傷愈，好有信心搶到左後衞正選位置。睇見紐卡素成績堅挺，同演出不濟嘅國米成強烈對比，佢話唔係有意恥笑舊會，而係嚟到英超踢波令佢學到好多嘢，簡直係大開眼界，尤其領隊對足球理念同意甲好唔同，希望可以喺紐卡素增進更多足球知識。
搵卡帥搭路入意軍
大衞辛頓覺得紐卡素有唔少好球員，要爭正選的確唔易，但自己勝在後生當打，相信領隊柏杜會畀機會佢，並表示好想入選意大利國家隊，出戰明年歐洲國家盃，話會打電話畀英格蘭領隊卡比路，叫佢幫吓口喎！更多赛事信息
