祖雲達斯喺今季全面年輕化，換領隊及簽入大批新球員，連隊長迪比亞路都冇碇企，結果開季至今保持不敗，就知「復興計劃」有幾成功。今仗「老婦人」主場迎戰近4場不勝嘅費倫天拿，有力全取3分，小妹決定熱捧1.6倍主W。（now633台周三凌晨2:45直播）
費倫4戰不勝 教練反鬧球迷
「老婦人」今季由名宿干地領軍後走出谷底，上季中加盟嘅射手馬特尼今季續有好表現，其他年輕球員例如中場馬治斯奧亦漸成大器，極有希望取得來屆歐聯資格，難怪下月年滿37歲嘅icon迪比亞路，亦逃唔過被清洗嘅命運，球會主席安迪亞阿尼利亦講明唔會同佢續約：「隊長迪比亞路係祖雲達斯新舊時代嘅一個連接點，今季將會係佢最後一季披起斑馬戰衣。」
反觀「紫百合」費倫天拿近況認真麻麻，作客1場都未贏過，上場即使有黑山前鋒祖維迪梅開二度，亦只可以賽和卡坦尼亞，連續4場不勝，搞到球迷當場噓爆！不過教頭米赫洛域居然反擊叫球迷收聲，等球員可以專心比賽。咁嘅態度，又點信佢可以領軍贏復興嘅祖雲達斯？更多赛事信息
