西甲季初出現唔少驚喜，利雲特異軍突起，暫時力壓雙雄皇馬同巴塞佔據榜首，令人大感意外，雖然未必可以撐到最後，但至少為球迷帶來新鮮感。另外，西維爾今季轉晒款，現時攻弱守強，上場同巴塞互交白卷並非撞彩，今輪主場對桑坦德預計冇乜交收，細盤值得留意。（now 632及660周三凌晨4時直播）
西維爾以往踢法傾向主攻，入球同失球數字偏高，上季聯賽失球數字超過六十球，屬前列球隊中最高。不過，球隊今季踢法穩打穩紮，目前於聯賽保持不敗，八戰加埋只失四球，當中有五場保持清白之身，反映球隊防守力大幅提升，上場能夠作客同巴塞踢成○比○，絕非偶一為之，所以唔少行家已調高其防守評級。
桑坦德作客冇威脅
另一邊廂桑坦德目前於聯賽位列榜尾，八戰過後錄得四和四負，加埋只入四球，其中六場賽事交白卷，顯示大軍鋒力極弱，絕對不宜高估。桑坦德攻、守評級同樣偏低，已被視為今季西甲降班熱門球隊之一，短期內難有起色，今次作客西維爾預期會捱打，將會全力防守，希望可以減少失球，今場開出細盤機會較高。更多赛事信息
