今晚德甲獨腳戲,利華古遜作客實力唔夠班嘅新丁奧格斯堡,有望趁對方傷兵滿營大勝一仗,要1.67倍客勝!(有線61及201周六凌晨2:30直播)
奧格斯堡請義工為盲人講波
奧格斯堡今季歷史性升上德甲後未開齋,由於奧爾夏、拉菲爾及杜爾克3名前鋒養緊傷,前線僅靠摩達斯孭飛,此子雖然於首兩仗入咗3球,但最近已經畀對手睇穿,嘜到佢一戙都冇。值得一提,奧格斯堡日前宣布請咗兩位義工,為一眾失明球迷現場講波,兩名講波佬會盡量描述場內發生嘅事,令失明球迷可以幻想成場賽事,感受現場氣氛。
利華古遜上場悶和多蒙特,連續3場零失球,當中領紅嘅後衞卡特歷今仗要停賽,預料位置會由卡斯特羅頂上,相信問題不大。早前傳離隊嘅老將波歷克最終選擇留效,雖然他多居於後備席,但其留隊對軍心有穩定作用,有力打謝善心滿瀉但實力有限嘅奧格斯堡。