人有三衰六旺，踢波同样道理，加费莱今晚喺瑞超主场对马模，衰开随时又输多场。虽然加费莱今季试过连续7场冇失波，几乎打破瑞超不失球纪录，但近排就泄晒气完全走样，防线崩溃又唔识入波，咁嘅情况梗系捧马模1.95倍客W稳阵啦。（开赛时间：周五凌晨1:00）
加费莱钢铁防线散晒
上场加费莱打和赫根2:2，总算结束连输6场兼冇波入走势，不过咁，近7场联赛佢哋劲失19球，相当得人惊，之前嘅钢铁后防突然唔知去咗边，要知道加费莱不嬲靠稳守突击揾食，家阵守唔稳，自然连突击都冇埋，加上前锋艾历托洛斯、中场奥哈根同丹尼尔利奴未康复，即使主场出击都未必再抢到分。
另方面，马模喺欧联附加赛不敌布加勒斯特戴拿模后，上场主场以2:1砌低艾夫斯堡连赢3场，证明士气冇受损。最紧要系最近门将祖汉达连已好番，中场比卡斯基同耶高费南迪斯又坐完波监可以候命，依家畀佢哋撞正霉到爆嘅加费莱，仲唔当对方系沙包咁狂砌？客W唔怕捧！
