由於兩個星期前倫敦發生騷亂,部分英格蘭聯賽盃第一圈比賽需要延期,搞到今晚夾雜住首圈同次圈嘅比賽上演,而今晚阿士東維拉對乙組仔赫里福特聯就屬於第二圈比賽。維拉上周末聯賽剛打開勝利之門,就算今晚半力出擊亦十拿九穩,「讓球主勝」咁都有1.52倍非常抵玩。(開賽時間:周三凌晨2:45)
阿士東維拉上場憑三叉戟艾邦拉荷、希斯基同戴倫賓特各入一球,以3:1擊敗布力般流浪,獲得今季首場勝仗。今晚維拉繼續喺主場出擊,對住低3級嘅赫里福特聯,相信領隊麥利殊點都會作出輪換,預料上仗擔任後備嘅艾利蘭同迪爾科尼素會獲派正選上陣,但係實力仍然遠勝對手。
赫里福特聯英乙未開齋
赫里福特聯今季英乙仲未開齋,上場面對新升上乙組嘅AFC溫布頓都被逼和,雖然總算叫做攞到今季第1分,但士氣仍然極度低沉。事實上,佢哋今季連同英聯盃踢咗5場比賽,都只係入得兩球波,一號門將阿當巴列特及中場普迪又唔踢得,相信都難逃大敗厄運。
英聯盃及蘇聯盃賽制:
賽事以一場過分勝負,若法定時間內打成平手,則需加時作賽,再和則互射12碼決勝。