喺歐聯附加賽首回合作客輸咗0:1嘅維拉利爾,今晚返到主場搵丹麥奧丹斯復仇,可以話係非勝不可,皆因佢哋今季將可能面臨冇球衣廣告贊助危機,少咗條大水喉,一旦仲冇埋歐聯分組賽收益,真係死都唔得掂,隨時要賣人填數。夠鬥志、主場威力勁爆,我捧1.68倍「讓球主勝」。(有線64及204周三凌晨2:45直播)
首回合作客輸畀奧丹斯,「黃色潛水艇」其實係輸在冇運,當日無論控球比率定係射門次數,維拉利爾都係佔優一方,唯一失波只係新兵中堅沙柏達華倫西亞犯錯所致。今鋪佢哋返嚟主場出擊,要大勝番場晉級又有幾難?睇埋數據,維拉利爾近9場歐洲賽主場戰錄得8勝1和佳績,仲有乜好驚吖?
潛艇歐聯經驗豐富
再者,歷來曾經2次殺入歐聯分組賽,喺06年仲入過4強嘅佢哋,經驗上一定遠勝先後3次喺歐聯外圍賽被踢出局嘅奧丹斯。更重要一點,尋日《馬卡報》踢爆,維拉利爾今季仲未傾掂心口廣告贊助,可能係佢哋近18年來首度冇贊助踢職業波,如此一來,歐聯獎金同花紅自然係不容有失。
奧丹斯冇球星孭飛
奧丹斯呢邊,以前踢過曼聯嘅迪贊巴係陣內最出名球星,但實力有幾多大家心照,拍埋「黃色潛水艇」嘅基奧斯比羅斯、尼爾馬等,質素真係輸一大截。睇埋奧丹斯歷來對西甲球隊12戰得3勝1和8負,都係落入下風,今晚想保住勝果絕不樂觀 更多赛事信息