今晚英冠大戰，暫時輸晒兩場聯賽嘅列斯聯繼續主場出擊，喺有兩名主力停賽兼鬧前鋒荒之下，迎戰士氣正盛嘅侯城難有勝算，一於捧1.63倍「讓球客勝」。（開賽時間：周三凌晨2:45）
侯城主力回歸
列斯聯上場對米杜士堡，由於麥斯格拉度及侯臣先後領紅，以寡敵衆，最終畀對方前鋒安尼斯一箭定江山，開季兩場聯賽敗北，士氣直插谷底。除咗有上述兩位中場停賽外，列斯聯今仗更有彼恩達、比治奧同大衞桑馬3名前鋒因傷缺陣，中前場陣容極殘。
侯城雖然喺上周中嘅英聯盃失利，但佢哋上場作客葉士域治順利贏波，獲得今季聯賽首勝，一班球員賽後士氣高昂。同時，前鋒艾迪保利、麥連及守將羅仙尼亞上場都擺脫傷患復出，預料今晚全部會正選上陣。睇番侯城上季兩戰列斯聯都能夠賽和對手，今晚贏晒人腳相信唔難全身而退
