今日馬會開盤嘅歐霸盃第三圈外圍賽有十三場,其實呢圈係有三十五場賽事,部分馬會冇開盤嘅賽事不乏好嘢,好似首回合大勝米特雷治嘅雷恩,返到主場預期會大勝一場,值得留意。
歐霸盃外圍賽出名蠱惑多,係歐洲足協重點調查對象,尤其涉及東歐球隊嘅賽事風險甚高,好多博彩公司都索性唔開盤。來自格魯吉亞嘅米特雷治,首回合就有放軟手腳迹象,結果畀雷恩大勝五比二,喺自己地頭都踢成咁,今次作客情況可能更猖獗,雷恩隨時大炒對手都似!