荷甲班霸燕豪芬日前去到英格蘭集訓,並會進行數場熱身賽,但主要都係搵番英冠球隊拍跳,所以實力上會稍為佔優,上場就作客輕取諾定咸森林三比一,今晚作客米杜士堡,相信都能夠贏波。 (周六凌晨2時30分開賽)
燕豪芬季前積極備戰,至今踢咗五場熱身賽,當中包括大戰勁旅華倫西亞,球員狀態全面提升,上場嚟到英國,面對有新領隊麥卡倫接任嘅森林都輕勝三比一,反映呢支荷甲憑實力恰到英冠兵,今場去到東北部約戰米杜士堡,估計亦能夠贏多鋪。