歐洲：
隨着西班牙捧走歐國盃及世界盃、巴塞以橫掃姿態稱霸歐聯、U21國家隊又贏得歐國盃冠軍，西班牙理所當然被視為最具實力捧盃嘅歐洲代表。西班牙今屆由皇馬中場簡拿利斯擔大旗，配合即將轉投車路士嘅巴塞中場羅美奧及利物浦前鋒丹尼爾柏查高，論實力及經驗絕對數一數二。
皇馬小將孭飛
另一支勁旅法國擁有効力車路士、上季外借富咸嘅前鋒卡古達，有力擾亂大局。兩屆冠軍葡萄牙腳法細膩有隊形，亦屬一路奇兵。至於大眾熱門英格蘭卻欠缺星味，參賽球員大部分喺英超都冇正選，要在死亡之組突圍有啲難度。
