曼城雖然大把錢，但都唔想去意已決嘅泰維斯留喺度阻頭阻勢，轉飯鑊就點都會喺今個夏天發生，巴甲嘅哥連泰斯早前採取突襲，幾乎將「野獸」搶到手，好彩曼城突然變卦，搞到未能喺巴甲轉會窗關閉前完成交易，否則香港球迷都幾難再目睹呢位阿根廷射手嘅風采。
高士路防線唔穩陣
泰維斯由出道以來，都係一個不折不扣嘅麻煩友，當日離開巴甲嘅時候，亦都曾經鬧過不快，輾轉効力過3支英超球隊，亦都總有啲麻煩事發生，依家哥連泰斯想搵佢回巢，絕對係自尋煩惱，事實上佢哋今季冇咗朗拿度同卡路士之後，務實咗反而更可靠，開季10戰9勝1和，近6場波仲只係失過1球，實在冇必要作出任何轉變，簽唔成泰維斯肯定係件好事。
今晚哥連泰斯嘅對手高士路雖然近況略為回升，但畢竟防線唔多穩陣，今季10戰得2場保持不失，作客亦只係贏得1場，今晚造訪巴甲一「哥」，都幾難有得剩，主W有1.95實屬超值。（開賽時間：周一凌晨3:00）
Battle精選
足球重心：哥連泰斯（主勝）
睇飛搵食：杜塞爾多夫（平手）
杜塞爾多夫首戰人多打人少擊退波琴，表現唔算突出，今晚作客開鑼戰一樣全取3分嘅柏達邦，足智彩盤口居然冇得受讓仲要平手低水，睇番近3季雙方交手都係主隊較熱，今次一反傳統要留神。
