女子世界盃進行得如火如荼，不少能打入決賽周嘅國家，聯賽都會作出遷就暫時停一停。不過美國職業聯賽就如常進行，害到唔少國家隊大戶成績一落千丈，如坐擁多名美國隊主力嘅華盛頓自由，日前就因為主力球員去晒德國，因而連續兩場被費城獨立狂數，關心女足嘅球迷要留意。
反觀南韓因為入唔到決賽周，當地女子聯賽就可以繼續進行。香港時間今晚會進行第十四輪聯賽，其中忠南一和天馬主場對高陽大橋。高陽大橋坐擁多名南韓國家隊主力，實力於國內數一數二，且球隊狀態極佳，近兩仗共攻入九球。此外高陽大橋屬今季聯賽入球率最高，而失球率則最低嘅球隊，面對實力平平嘅天馬，料可以輕鬆取勝。
（周一晚上６時開賽）
