邊個話靚女就唔識踢波?其實當今女足壇,已經有唔少好似舒拉寶娃、禾絲妮雅琪呢類睇得又打得嘅運動員,好似今期主角「墨西哥鍾嘉欣」雲姬就係當中佼佼者。雖然雲姬只得19歲,但佢早出道,年紀輕輕已坐擁29頂國家隊喼帽。雲姬喺墨西哥國內人氣極旺,係當地宅男嘅女神,唔少男仔認為佢唔只年輕貌美,仲Like佢識波啱嘴形,人人爭住要做佢男朋友。