美洲金盃B组最后一轮分组赛,牙买加凭一记幸运入球以一比○击败洪都拉斯,保持三战全胜兼不失球佳绩,以小组首名强势打入八强。洪都拉斯虽然输波,但仍能与同日赢波嘅危地马拉携手出线。
牙买加前锋赖恩庄逊於上半场三十六分鐘离门二十八码起脚,皮球中楣弹出,却刚好打中洪都拉斯门将华拉达利斯「后尾枕」反弹入网,牙买加就係凭呢个幸运入球全取三分。下半场曾经射失十二码嘅赖恩庄逊赛后表示:「呢个係一个奇怪入球,但入球就係入球,最开心係我哋三场都冇失波。」牙买加八强对手会係C组次名,照目前情况好大机会係主办国美国。
洪都拉斯输波照晋级
洪都拉斯虽然输波,但仍以小组次名出线,八强遇上哥斯达黎加。同组危地马拉大胜格林纳达四比○,肯定成为两支最佳第三名之一,亦成功取得八强资格。