周六凌晨德甲上演北方打吡,雲達不來梅主場對禾夫斯堡,禾堡上仗主場大破科隆,取得教練馬加夫回歸後首場勝利,全隊士氣大振,球隊為護級戰意更勝主隊,加上不來梅受嚴重傷兵問題困擾,禾堡有足夠把握搶得救命分數,1.75倍「讓球客勝」固然穩陣,進取啲可以捧埋3.1倍客W。 (有線61及202台周六凌晨2時30分直播)
禾堡深受降班威脅,餘下三仗場場都係決賽,球隊上仗大破科隆後信心大增,除射手文迪蘇傑有耀目演出外,中場大將迪亞高更全面回勇,迪亞高今仗面對舊主,佢埋怨喺祖雲達斯失意之時,不來梅完全冇回購佢嘅意思,所以至被迫改投禾堡旗下,今仗肯定搏盡踢身價波。
禾堡目前排聯賽榜尾三,若然維持呢個名次,就要同德乙第三踢護級附加賽,佢哋目標當然係直接留級,雖然目前仲落後尾四同尾五嘅法蘭克福同科隆兩至三分,不過上述兩支競爭對手跟住落嚟仲要內訌,必有一傷,只要禾堡今仗贏波,護級形勢將會變得樂觀。足球推荐网 足球推介网 足球贴士网
不來梅多傷兵Hea踢
不來梅目前護級壓力唔大,睇番近期演出水準只係一般,前仗主場面對留力歐聯嘅史浩克都贏唔到,上仗對全德甲最弱嘅聖保利都要先失守,今仗更加傷兵滿營,除咗拿杜、普特爾同保尼斯治養傷令防線持續不穩外,保路斯基同丹尼艾維迪亦因傷倦勤,連大勇嘅辛度華拿同馬高馬連都上陣成疑。不來梅人腳質素已經唔及禾堡,如今有限嘅兵源進一步削弱,當然捧客軍。