今晚德乙有場賽事值得留意，就係哈化柏林主場對1860慕尼黑，哈化今場贏波，就可以成為聯賽冠軍，特別係喺自己地頭比賽，更加希望捧盃，同球迷一齊慶祝，戰意肯定高昂。1860慕尼黑陪太子讀書，相信唔會破壞主隊大事，捧「讓球主勝」。 （周六凌晨零時開賽）
哈化柏林上季以德甲包尾身份降落乙組，但佢哋踢德乙，始終屬於大超班，今季大部分時間排榜首，早前亦已提早取得升班資格。以哈化目前強勢，當然唔只想升班咁簡單，更要爭取成為冠軍，為下季出戰德甲壯行色。呢支首都球隊近八場聯賽七勝一和，其中六場淨贏兩球或以上，今仗梗係要取得漂亮勝仗，慶祝捧盃。足球推荐网 足球推介网 足球贴士网
1860慕尼黑位處中游，欠缺爭勝目標，近期大踢風流波，作客更係兩連敗，而且1860過去六次作客哈化柏林，僅有二和四負，今仗大敗好正路。
亞琛15連「大」繼續追
另外，亞琛主場對奧柏侯遜，亞琛係德乙「大戶」，已連續十五場聯賽開大，奧柏侯遜近期入得又失得，入球大屬於首選。最後卡爾斯魯厄主場對杜塞爾多夫，客軍表現大勇，取得四連勝共入十球，但卡爾斯魯厄要搶分護級，踢法應會傾向進取，一樣博入球大。
