要數呢排英冠至弗球隊，唔使拗一定係雷丁！聯賽8連勝不特止，入波仲遍布三線，今晚喺英冠爭升班大戰作客可能冇咗射手比治奧嘅列斯聯，唔難再下一城，客W值得秤先！（now638台周六凌晨2:45直播）
雷丁着晒火8場入22球
目前英冠除昆士柏流浪外，剩番一個老二直接升班資格可謂爭崩頭，至少有4隊爭奪，當中朱楓最睇好雷丁，事關佢哋近排着晒火連贏8場，合共轟入22球，而且入波層面勁廣，唔止射手沙恩朗、中場占美基比，就連已經33歲嘅前列斯聯「罰球專家」左閘夏迪都頻頻入波，難怪啱啱入選咗今季英冠最佳11人陣容啦！雖然今場作客列斯聯係場硬嘢，但領隊麥迪莫特賽前話冇驚過，仲話勁期待攞晒3分。
列斯聯射手打柴
列斯聯今季曾經排第3，一度被譽為直接升班大熱，不過嚟到季尾，班球員明顯抵受唔住壓力，上場主場打和屈福特後，已經3場不勝，暫時只領先第7位森林2分，爭打升班附加賽現危機。賽前領隊格雷臣叫球員唔好驚，話依家先發力唔算遲，可惜今季已射入19球嘅阿根廷射手比治奧因膝傷，賽前話要通過最後體測先知出唔出得，如果真係冇佢肯定好大鑊！足球彩票 足彩预测
列斯聯7成波開大
‧目前英冠大盤王，有30場賽事開大，佔71%。
‧近6次交手獲1勝4和1負，只得1場冇失波。
雷丁英冠8連勝
‧近8場聯賽全勝，勁入22球，平均每場入2.75球。
‧聯賽作客獲8勝8和5負，不敗率達76%。
