亞冠盃分組賽G組形勢緊湊,今晚全北汽車喺主場對大阪櫻花,屬於榜首大戰,為咗完成全取3分目標,全北教練崔康熙專登喺日前嘅聯賽,收起大部分正選留力,擺明有心喺呢場比賽報仇,櫻花火力唔夠好難再頂得住唔輸,要1.67倍主W(now671台周三晚6:00直播)
上次碰頭,全北因為要留力應付對水原藍翼嘅聯賽重頭戲,結果喺收起大部分主力下,作客以0:1不敵櫻花,不過依家兩隊同得6分,第3位嘅FC山東又有4分在手,情況又唔同晒。日前全北喺聯賽對FC光州,正選陣容只係得來自中國嘅中場黃博文,屬於所謂外援,咁代表咩?留力同櫻花鍊過報仇囉!
正常嚟講,克羅地亞射手洛夫歷克同巴西中場伊連奴,今場都會踢番正選,配合上場聯賽有波入嘅「獅子王」李東國,應該唔會好似上次碰頭咁輸波咁肉酸。對家方面,櫻花上年有中場香川真司離隊,今季開咧又有射手阿祖安奴費拉拿跳槽,新加盟前鋒洛迪奧賓柏奧開季4場得1個入球,唔多對辦囉。